بلوچستان نا عکس کش کمانچر بلوچ ئے ہزارا بندغاک خڑینکی آ خن تیتون مند ئٹی دفن کریر۔
کمانچر بلوچ شانزدہ اپریل نا دے کراچی نا اسپتال ئسیٹی جہان آن رخصت مس، اونا جہان ئے الّینگ بلوچ چاگڑد ئٹی بھلو غم ئس تالان کرے۔ اونا لاش ئے اُست خْواہوکاک کاروان نا دروشم ئٹ کراچی آن مند آ ہیسُر۔
یاتی مرے کہ کمانچر بلوچ نا عکس آک نہ بیرہ بلوچ بلکہ پیشن نا جہان ئٹی ہم پِنی اسّر، کراچی و پنجاپ ئٹی اونا عکس آتا مون کشّی ہم مسّس۔
کمانچر نا کیمرہ تیوعہ بلوچستان نا ندارہ آتے زیبائی ئٹ پھاش کریکہ ، ارافتیٹ شال ئنا برف، گوادر نا ساحل و مکران نا "اومیتاتا گودی” اوار اسّر۔ او بلوچستان نا دود و فن ئے ہم مونا ہیس، بلوچ نیاڑی تہ کشیدہ کاری، نرینہ آتا چاہِل (سواس) و بلوچی چھوَٹ آتا گچینی ئٹ عکس بندی کریکہ، اونا عکس آتان بلوچستان نا زیبائی و جہد پھاشءِ۔
