آواران بلوچستان آن پاکستانی لشکر ورنا ئس دزگیر کرسا بیگواہ کرے۔
بیگواہ مروکا ورنا ظریف باوہ نا پِن گمشاد مالار آواران نا ہندی ئٹ چاننگانے۔
خاہوت نا پاننگءِ کہ اودے سینزدہ اپریل اِرا ہزار بیست ءُ چار آ لشکر گشکور کیمپ آ خْواہیفیسس پدا اودے دزگیر کرسا بیگواہ کریر۔
یات مرے کہ بلوچستان ٹی زورانسری ئٹ بیگواہی بھلّو مسئلہ سے، ہردے بیگواہی تہ حوال رسینگک و بلوچ راج دوست آک بیگواہی تہ برخلاف بھلّو وخت ئسے آن برانز کننگ ءُ۔
بلوچستان نا مُر ئنا ہند آتان ہندنو چائنداری ہم رسینگک کہ اراڑے پاکستانی لشکر مخلوق ئے پابند کرینے کہ او ہر اِرا دے آ کیمپ آ بریر تینے ساڑی کیر و ارانگ ہِنوئی مس مہالو سہی کیر گُڑا کار۔
آواران و ایب کھیب آن ہندنو حوال ہم سرمریک کہ اراڑے مخلوق ئے لشکر کیمپ آ خْواہیفنگ آن پد بیگواہ کیک۔
