بلوچستان کیچ بلیدہ ٹی تروند انگا پِر و تہو نا سوَب آن اُراٹی تخوک شمسی نا پلیٹ آک تباہ، ہندن بلیدہ و ایب، کھیب ئٹ تروند انگا پرِ ئٹی ترونگُڑ و تہو آن فصل آتِے نسخان۔
پسنی و دامون ایمون ئٹ تیزنگا تہو و گِروک آتو اوار پِر شار ئے ٹُبّفے۔ شار ئنا دیر ئے کشّنگ نا آسراتی تا کمّی نا سوَب آن پِر ئنا دیر دُکان و اُراتیٹ پیہنگءِ۔ کیہی کوٹھی و ہاویلیک تمّار، بجلی نا نظام ئے نسخان رسینگا۔
حوال آتا رِدئٹ گْوادر نا مخلوق اسہ وار پدا تینے دیر ئنا تہہ ٹی خننگءُ ۔ کیہی ہند آتا مخلوق نا اُراک دیر ئٹی بسنو۔
پنجگور بلوچستان ئٹی تروند انگا تہو تون اوار پِر برجاء ءِ، پروم ئٹی کیہی اُراتا چَھت آک تمّار و بزغر تہ شمسی نا پلیٹ آتے نسخان مس ہندن پنجگور عیسئی ٹی بجلی نا شش کھمبہ تمّنگ آن پنجگور نا بھازا ہنداتے بجلی رسینگ بند ۔
بلوچستان ئٹی پِر ئنا سوَب گِروک تمّنگ و اُراتہ تمّنگ آن نُہہ بندغ بیران۔ چمن و سوراب ئٹی گِروک تمّنگ آن مُسہ بندغ قلعہ عبداللہ، مسلم باغ، پشین و ڈیرہ بگٹی ٹی گروک تمنگ آن اسہ بندغ ئس و کیچ ئٹی چھت ئنا تمّنگ آن اسہ بندغ ئس بیران مس ۔
پشین ئٹی پِر تیان پانزدہ اُرائے، پنجگور و کیچ ئٹی کیہی اُراتے نسخان رسینگا۔
