کیچ : کوہ مراد آ ذکری فرقہ نا سالانہ مذہبی و ثقافتی زیارت 27 روچئی نا سُہب آ اجتماعی دعا تون اوار ایسر مس ، دا وار زیارت ئٹی اِرا لکھ پانزدہ ہزار یک سد ءُ ہفتاد ءُ یک بندغ آک بلوچستان نا جتاء ہند آتیان اوار کراچی و دے کہیلنگ بلوچستان آن بسُر ۔
پولیس نا رپورٹ نا رد ئٹ بیرا 27 رمضان المبارک نا شام خاص عبادت و چوگان نا ثقافتی دعا ئٹی لکھ ئسے آن گیش نرینہ ،زالبول و چُناک اوار اسُر ۔
ذکری فرقہ تون تفوک بندغ آک ہر سال روچئی نا ایسری عشرہ ٹی کوہ مراد نا زیارت کن بریرہ و مذہبی و ثقافتی عبادت و دعا ئٹی اوار مریرہ ، 27 روچئی شام ئنا خاص عبادت و چوگان مریک ارا سُہب ئنا دے ئنا پیشتمنگ اسکان برجاء مریک اوکان پد دعا مریک ۔
یک شمبے 27 روچئی نا سُہب آ خاس دعا و مناجات و صفت و ثنا تون اوار زیارت ئٹی برجاء انگا رسم آک ایسر مسُر و ہزارہ آتا کچ ئٹ بندغ آک تینا ہند آتا نیمہ راہی مسُر ۔
کوہ مراد آ کیچ تھیلیسمیا کئیر سینٹر آن بیدس مُسہ پین ادارہ آ تا نیمہ آن اڈ مروکا بلڈ ڈونیشن کیمپ ئٹی کم وبیش ہزار آن خُڑک دِتر تننگا ، ارافتیٹی کیچ تھیلیسمیا کیئر ئے 370 آن زیات دِتر نا بیگ تسُر۔
