زوراکی ئٹ بیگواہ آ امیر بخش بلوچ نا مسڑ صدف امیر بلوچ پارے کہ عید نماز آن پد باوہ اُراغا بریک تو مسِنک اودے عید مبارکی تیرہ و باوہ مہر ئٹ اوفتا کاٹُم آ دُو ئے خوشِسہ اوفتے نیک دعا کیک و عیدی تیک ولے نن ایڑ، ایلُمک ہِنوکا دَہ سال آن تینا باوہ نا مہر اکن سِکّھنہ۔
او مُستی پارے کہ کنا باوہ امیر بخش بلوچ چھار اگست اِرا ہزار چانڑدہ ٹی کلانچ آن بیگواہ کننگا اوکا پد نن عید و ایلو خْوشّی تیٹ ایلو چُناتے خنِنہ تینٹ خڑینک شولِنہ کہ اُف ننا باوہ ہم نن تون اوار مروس و نن ایلو چُناتان بار خْوشّی کرینہ ۔
او پارے کہ عید ئنا شام ہفت بجہ آن ہلیس دوانزدہ اِسکان بلوچ وائس فار جسٹس بیگواہ تہ آجوئی کن ایکس (ٹوئٹر) آ مہم ئس چلّیفنگءِ۔ ای کُل انسان دوست آتیان خْواست کیوہ کہ مہم ٹئی بشخ ہلیسہ کنا باوہ امیر بخش بلوچ و ایلو کُل زوراکی ئٹ بیگواہ مروکا بلوچ آتاآجوئی کِن ننا توار مریر۔
