بلوچستان نا ہند نصیرآباد آن مُسہ بندغ نا سُم خلوک ءُ جون خننگا ۔
پولیس نصیرآباد نا ہند بابا کوٹ تھانہ نا سیم ئٹی مُسہ بندغ نا جون خننگا ۔
جون آتا پجار مننگ کتنے،پاننگ مننگءِ کہ خلنگ مروکا بندغ آک قلات نا ہندی ءُ ۔
ایلو نیمہ آ پَنجگُور ئٹی موٹر سائیکل سوار آ بندغ آتا سُمکاری آن اَسہ بندغ ئس خلنگا ۔
ہندی تہ رد ئٹ پَنجگُور نا ہند پیری جھلگ ئٹی نا دُرست سلاہ بند موٹر سائیکل آ تولوک آتا سُمکاری آن اَسہ بندغ ئس خلنگا ۔خلنگ مروکا بندغ نا پجار بختیار نا پن ئٹ مسُنے ۔
حوالکار آتا پاننگ ءِ کہ بختیارئے خلنگ آن پد جلہوکار آک اونا موٹر سائیکل ئے ہم تینتون دریر ۔ جون ئے پولیس ٹیچنگ اسپتال آ درے ۔
