قلات بلوچستان نا ہند ناگاہو و دامون ہیمون ئٹ اینو سُہب آن پاکستانی ڈرون آک پیری کننگ آ خننگ مسنو ۔
ہندی مخلوق ہچّو جُلو ئسے نا پاتنے ولے اوفتا رد ئٹ دا علاقہ آتیٹ بھازا وخت ڈرون آک خننگرہ ۔
پاکستانی فوج ہِنوکا مُسہ سال ئٹی بلوچستان نا بھازا ہنداتیٹ بلوچ آجوئی خواہوک آتا ڈرون آتیٹ جلہو کرسہ بسّنے۔
بلوچستان ٹی فوجی لشکرکشی ٹی پاکستانی لشکر لس مخلوق ئے ہم نشانہ کرسّہ ءِ۔ اینخو فروری ٹی بولان و ایب کھیب ئٹ فوجی لشکرکشی ئس پانزدہ دے اِسکا برجاء سلیس۔
بولان نا فوجی لشکرکشی ٹی لشکر ہندی نیاڑی تے دزگیر کرسہ تورے و اُراتے، جنگل آتے ہُشنگ نا ہم حوال رپورٹ مسس۔
