جھالاوان زمیندار ایکشن کمیٹی نا کیسکو نا برخلاف برانز ، بھلا کسرئے زیرو پوائنٹ نا ٹک آ بند کریر ۔
خضدار جھالاوان زمیندار ایکشن کمیٹی نا چیئرمین میرعبدلواہاب غلامانی نا بھلُنی ٹی خضدار نا بھلا کسر ئے زیرو پوائنٹ نا ٹک آ کیسکو نا ہردئی ظلم و زیادتی تہ برخلاف کسرئے بند کریر۔
برانز ئنا سوب آن کیہی گھنٹہ کسر نا بند مننگ آ ہڑتوما نیمہ آ تیان بھاز لاری پھسینگار۔
برانزی تہ رد ئٹ کیسکو نا نیمہ آ غیراعلانیہ لوڈشیڈنگ برجاء ءِ ، ارانا سوب آن زمیندار تینا فصل آتے دِیر تننگ کپسہ و فصل آتے نسخان رسینگءِ ۔
اوفتا پاننگءِ کہ بھاز وار خواست کننگ آن پد کیسکو ننا ہیت ئے بننگ ءِ نہ انتظامیہ گڑاس کننگ ءِ زمیندارک تینا فصل آتے بچفنگ نا کوشست ئٹی ءُ ہندا سوب آن نن برانز کننگ نا کسر آ بسُن۔
او فک کیسکو کالخواہ و خضدار انتظامیہ آن خواست کریر کہ اوفک دا حوال ئٹ گڑاس کیر اگہ نا زمیندار تیکن سخت برانز کننگ آن بیدس پین ہچو کسر ئس سلیتنے ۔
