شال بلوچستان آن سال ئس مُست تینا زائیفہ تون اوار بیگواہ مروکا رحیم زہری ئے مونی ہتنگا و ہدہ جیل آ راہی کننگا۔
حوال آتا رِدٹ خَدو 3 فروری 2023ء آ محمد رحیم زہری تینا لمّہ و زائیفہ تون اوار بیگواہ کنّنگاسس۔ یانزدہ دے آن پد اونا زائیفہ یلہ کنّنگا۔
اینو رحیم زہری ئے مون آ ہتنگا۔ اونا آجوئی کِن سیاسی و چاگڑدی تنظیماک برانز ہم کرینو۔
یاتی مرے کہ رحیم زہری اونا لمّہ، زائیفہ و اِرا چُنا ئے ہِنوکا سال گشکوری ٹاؤن، ناشناس کالونی شال آن سرچ آپریشن نا وخت پاکستانی لشکر دزگیری آن پد بیگواہ کریسس۔ پدا رحیم نا لمّہ، چُناک و زائیفہ رشیدہ زہری ئے یلہ کننگا ۔
تدینی نا خلاف تیوعہ بلوچستان ئٹی برانز و سوشل میڈیا غا مہم اڈ تننگاسس ۔
