بی ایل ایف نا جارکش میجر گہرام بلوچ میڈیا ٹی شنگ مروکا درشان ئسیٹی پارے کہ سرمچار آک مشکے نا ہند تنک ئٹی پاکستانی لشکر آ اِرا جلہو کریر۔ مُست پیدل ہنوکا ٹیم ئے بم ئٹ نشانہ کریر و پدا اوفتا کُمک کن بروکا قافلہ آ سنگر ہلیسہ جلہو کریر۔
او پارے کہ تنک ئٹی شردوئی نا ٹک آ سرمچار آک دشمن لشکر نا پیدل گشتی ٹیم ئے ریموٹ کنٹرول ئٹ نشانہ کریر اراٹی اِرا کارندہ ہمو جاگہ خلنگا و اسٹ ٹپی مس۔ اوفتا کُمک کن بروکا بروکا قافلہ ئے سرمچار آک مُست سنگر ہلیسہ جلہو کریر اراٹی اِرا کارندہ خلنگا و اِرٹ ٹپی مس۔
جلہو آن پد جون و ٹپی آتے دننگ کن ہیلی کاپٹر جلہو جاگہ آ سر مس۔ سرمچار آک جوان انگا گوریہ حکمت عملی ئٹ دشمن ئے نسخان تننگ آن پد تینا ٹھکانہ آتا سر مسُنو۔
جارکش ایسر ئٹ پارے کہ بلوچستان لبریشن فرنٹ جلہو نا ذمہ واری ئے ہرفک و دا جلہوک بلوچستان نا آجوئی اسکان برجاء مرور۔
