بلوچ لبریشن آرمی نا جارکش جیئند بلوچ تینا شنگ مروکو درشان ئسیٹی پارے کہ سرمچاراک ہرنائی ٹی تیل و گیس کمپنی نا کارندہ تہ لاری ئے ریموٹ کنٹرول آئی ای ڈی جلہو ئٹ ٹک کریر ۔ تراک آن مُسہ کارندہ خلنگا و دوازدہ ٹپی مس ۔
بی ایل اے نا سرمچاراک ماڑی پٹرولیم کمپنی لمیٹڈ ( ایم پی سی ایل ) نا ٹرک آ ہمو وخت جلہو کریر ارا وخت ٹرک کمپنی و قوضہ گیر پاکستانی لشکر نا کارندہ تے دننگ اسک ۔ تراک آن کمپنی نا اسہ کارندہ ئس و اِرا لشکری کارندہ آکہمو وخت خلنگار و دوازدہ کارندہ ٹپی مس ۔ تراک آن لاری ہم بھُس مس ۔
او پارے کہ ہندا کمپنی ہرنائی و ایب کھیب ئٹ کیہی ہند آتا استحصالی پروجیکٹ ئٹ بلوچستان نا وسائل آتا لُٹ پُل کننگ ءِ ۔ دا کمپنی قوضہ گیر پاکستانی لشکر نا اواری تون اڈ تننگانے ۔ ارا ہرنائی ، مچھ بولان پین ہند آتا تینا استحصالی پروجیکٹ آتے برجاء تخانو۔
جارکش مونی پارے کہ بلوچ لبریشن آرمی ، بلوچ سرزمین آ استحصالی کمپنی تے راجی مڈی تہ لُٹ پُل ئنا اجازت تِفک ۔ دا وڑ ئنا کاریم تون اوار کُل کمپنیک ننا نشانہ ئٹی ءُ ۔
ایسر ئٹ پارے کہ بلوچ لبریشن آرمی دا جلہو نا ذمہ واری ئے ہرفک ۔ قوضہ گیر پاکستانی لشکر و اوڑتون اوار مروک آتا ننا جلہوک تُرندی ئٹ برجاء مرور ۔
