شال پریس کلب نا مونا زورانسری ئٹ بیگواہی تہ خلاف "وائس فار بلوچ مِسنگ پرسنز” نا برانزی گدان ئے اینو 5401 میکو دے پرور مس۔
گدان ٹی بھازا سیاسی، سماجی کارکناک بسّر خاہوت آتون اواری نا درشانی کریر و کُل بیگواہ تہ آجوئی نا خْواست کریر ۔
ہندا موقعہ آ 8 جون 2009ء ٹی مستونگ آن پاکستانی لشکر نا دُو آن بیگواہ مروکا ذاکر مجید نا لمّہ پارے کہ کنا مار ئنا بیگواہی ئے پانزدہ سال سرجم مس ، اونا مُرّی آن بھلّو ارمان خننگ ٹی اُٹ۔
او پارے کہ روچئی نا برکتی آ تُو ئٹی ای ریاست و اونا ادارہ آتیان خْواست کیوہ کہ کنا مار ذاکر جان ئے آجو کیر۔
لمّہ پارے کہ ذاکر باوہ نا شہیدی آن پد اُرا نا آسرا و بھلّا ئس اوڑان بیدس نن کُل ویران مسّن، مار ئنا آجوئی کِن اسلام آباد اِسکان لانگ مارچ کرینُن ، کُل دروازہ آتے ٹَکّیفین ولے داسکان ننے انصاف رسینگپک۔
او اسہ وار پدا پاکستانی لشکر و ادارہ تیان خْواست کرے کہ اونا مار ئے مونا کیر ۔
