بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک گوادر نا ہند دڑامب ئٹی اکاڑہ ڈیم ئنا کسر آ قوضہ گیر لشکرئے نشانہ کریر اراٹی ہفت کارندہ خلنگار۔
یک شمبے نا سُہب ئنا ہشت بجہ آ سرمچار آک گوادر ئٹی دڑامب نا مشی ہند ئٹی قوضہ گیر لشکر نا قافلہ ئے بھلا و پوسکُنا سلاہ تیٹ جلہو کریر اراٹی دشمن نا ہفت کارندہ خلنگا و اِرٹ ٹپی مس۔ داکان بیدس لاری و موٹرسائیکل آتے سخت نسخان رسینگا۔
جارکش پارے کہ دا قافلہ ٹی بم ڈسپوزل ٹیم اوار ئس ارا اکاڑہ ڈیم آن چوکی تہ نیمہ ہننگ اسُر اراڑے بھلو چھاونی ئس اڈ تننگانے۔ سرمچار آتا جوان اِنگا حکمت عملی و ہمو وخت رسینگوکا حوال آ کاروائی ٹی دشمن ئے بے سُہبی مون تروئی تما۔
او مُستی پارے کہ بلوچ سرزمین نا رکھ اکن جنگ کروکا سرمچار آتا زندگی نا مسخت اسہ آجو و خوشحال ءُ بلوچستان ئسیتون تفوکءِ۔ تینا ڈیہہ ئنا مہر اتون سرمچار آک پاکستانی قوضہ گیر لشکر نا ہر ہِن و بر و منصوبہ تے ہُننگءُ و ارا جاگہ مرے بھلو جلہو کننگ نا صلاحیت ہم تخرہ۔
جارکش ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک و دا قول ئے کیک کہ بلوچستان آن پاکستانی لشکر نا تیوعہ پیش تمنگ اسکان جلہوک برجاء مرور۔
