بی ایل ایف نا جارکش میجر گہرام بلوچ تینا شنگ مروکو درشان ئسیٹی پارے کہ سرمچار آک کیچ و بولان ئٹی قوضہ گیر دشمن لشکر، کنسٹرکشن کمپنی و موبائل فون ٹاور آ جلہو کرسا دشمن ئے جانی و مالی نسخان تسُر۔
سرمچار آک ہفتہ نا دے سُہب ئنا ہشت بجہ آ کیچ ئنا ہند مند ئٹی بلوچ آباد آ پاکستانی لشکر نا پیکٹ سیکیورٹی تہ جلہو کریر، جلہو ئٹی اِرا کارندہ آک ہمو جاگہ خلنگار۔
ہفتہ نا دے شام ئنا ہشت ءُ نیم بجہ آ سرمچار آک بولان ئٹی مین کسر آ اڈ مروکا سراج آباد کیمپ و چوکی آ راکٹ لانچرز و ایلو پوسکُنا سلاہ تیٹ جلہو کریر اراٹی دشمن نا اسہ کارندہ ئس خلنگا و ارٹ ٹپی مسُر۔
اسہ پین جلہو ئسیٹی سرمچار آک بولان پنجر پل آ اڈ مروکا موبائل کمپنی نا ٹاور آ سُمکاری کرسا مشینری تے ہشیسہ بھُس کریر۔
بولان نا مُسٹمی جلہو ئٹی سرمچار آک پنجرہ پل آ کاریم کروکا کنسٹرکشن کمپنی و لیویز آ جلہو کریر و کمپنی نا مشینریز آتے نسخان تسُر۔
بلوچستان لبریشن فرنٹ دا جلہو تہ ذمہ واری تے ہرفک و کنسٹرکشن کمپنی و ہندی ٹھیکیدار آتے تنبیہ کیک کہ اوفک قوضہ گیر لشکر تون اوار مرسا دشمن نا منصوبہ تیان مُر مریر اگہ نہ نسخان نا ذمہ وار تینٹ مرور۔
نن لیویزئے ہم پاننگ خوائنا کہ او پاکستانی کنسٹرکشن کمپنی تے سیکیورٹی تننگ آن پہریز کیر۔
او ایسر ئٹ پارے کہ بلوچ سرزمین نا آجوئی اسکان قوضہ گیر لشکر و اونا کُل مفادات آک ننا نشانہ ٹی مرور۔
