کیچ: بلوچ لبریشن آرمی مجید بریگیڈ نا تربت نیول ائیر بیس پی این ایس صدیق آ فدائی جلہو ئٹی شہید مروکا فدائین تہ لاش آتے گلزمین نا باہوٹ کننگا۔
حوالکار نا رد ئٹ شہید ایوب عظیم عرف دودا،وجداد عرف نودان و حاصل مراد عرف فرہاد ئے اینو سُہب ئنا کور پشت بلیدہ ٹی گلزمین نا باہوٹ کننگا۔ شہید آتا لاش آتا بخیر کن بندغ آک بھلو کچ ئسیٹی بشخ ہرفیر۔
شہید آتا لاش آتے نماز جنازہ آن پد گلزمین نا باہوٹ کننگا، بندغ آک شہید آتا قبر آتا پھُل خسار و شہید آتے خراج عقیدت ندر کریر۔
حوالکار نا رد ئٹ شہید فدائی خلیف عرف اسلم نا لاش آواران آن ایمون جھاؤ آ دننگ نا وخت آ بندغ آک بھلو کچ ئسیٹی شہید نا بخیر کن بسنو۔ شہید خلیف عرف اسلم نا لاش ئے اینو بیگہ نا گلزمین نا باہوٹ کننگءُ۔
