بلوچستان ئٹی طوفانی پر تیان ضلع دکی ٹی اُرانا چھت ئنا تمنگ آن پنچ بندغ بیران ۔
کوئٹہ تون اوار بلوچستان جتا جتا انگا ہنداتیٹی ارٹمی دے ہم سخت پر تیان نظام زندگی سلوکءِ، کسرک تالاب نا منظر نشان تننگءُ۔
ضلع دکی ٹی پر ئنا سوب آن کمرہ نا چھت تما اراٹی پنچ بندغ بیران مسُر، ہندی بندغ آک جون آتے کشیسہ خُڑک ئنا سرکاری اسپتال آ سر کریر۔
محکمہ موسمیات نا رد ئٹ کوئٹہ، لورالائی بارکھان، موسیٰ خیل، شیرانی،ژوب،قلعہ سیف اللہ،پشین، قلعہ عبداللہ، مستونگ،ہرنائی،سبی و جھل مگسی ٹی تروند انگا تہو و گروک تون پر مس، کُل آن گیش سی ءُ سئے ملی میٹر پر لورالائی ٹی ریکارڈ کننگا۔
