کیچ ئنا ہند نوانو چیک پوسٹ آ لیویز کارندہ آتا بھتہ خوری نا برخلاف لاری مالک آتا برانز ۔
شابیتی حوال آ تا رد ئٹ ضلع کیچ ئنا ہند زامران ئٹی لیویز چیک پوسٹ آ ڈرائیور آ تیان بھتہ خوری و اوفتا تشدد نا تدینی تے مون تننگ نا سوب آن ہندی و ڈرائیور آ ک برانز کریر ۔
اوفتا رد ئٹ اَسہ غیر ہندی بندغ ئس لیویز فورس نا پن آ غنڈہ گردی کننگ ءِ و زوراکی ئٹ بھتہ ہلیک۔ہندا غیر ہندی بندغ ارا لیویز فورس تون اوار اے سی نا پرائیوٹ گارڈ ءِ او سرعام بھتہ خوائک تفننگ آ تشدد ہم کیک ۔
او پاریر کہ ہنوکا دے اَسہ لاری والاسے آن بیست لیٹر پٹرول خواہار و اَسہ ہوٹل والاسینا گدان ئے لیویز نا کارندہ آک ہُشار ہراڑا ہندیک لاری والا تیتون اوار برانز کریر و لیویز فورس و اے سی نا پرائیوٹ گارڈ ئنا رویہ آ ڈپٹی کمشنر آن نوٹس ہلنگ نا ہم خواست کریر۔
