تربت ئٹی مُسہ دے آن بلوچ فدائین تہ میت آک اسپتال ئٹی تخوکءُ۔ بلوچ فدائین تہ خاوت آک مُسہ دے آن میت آتے ہرفنگ کن اسپتال ئٹی ساڑی ءُ۔
سئے شمبے آ بلیدہ و جھاؤ آن فدائین تہ خاوت آک سول سوسائٹی باسک آتیتون ٹیچنگ اسپتال تربت ئٹی میت آتا ہرفنگ کن کیہی گھنٹہ ودار کریر۔
اسپتال ئٹی ساڑی بندغ ئسینا رد ئٹ انتظامیہ خاوت آتے اسہ فارم ئسیا اقرار نامہ سینا دروشم ئٹ دستخط تون اوار ویڈیو ریکارڈ کننگ خوائک و خاوت آتون اوار سیاسی و چاگڑدی بندغ آک دادے رد کرینو۔
یاتی مرے کہ جنوری ٹی مچھ جلہو نا بلوچ فدائین تہ میت آتے تننگ ئے کوئٹہ سول انتظامیہ اسہ فارم ئسیتون اوار شرط تخاسس ارافتے ڈاکٹر ماہ رنگ نا بھُلنی ٹی سیاسی و چاگڑدی بندغ آک رد کرسا میت آتے ہلکسُر۔
سیاسی و چاگڑدی بندغ آتا پاننگءِ کہ دا فارم ئنا ہچو قانونی حیثیت ئس اف۔ پاکستانی ڈکھکوک ادارہ آک خاوت آتیان دستخط ہلنگ آن پد چاگڑدی میڈیا و میڈیا ٹی دا فارم ئے پروپیگنڈہ کن کارمرز کیرہ۔
یاتی مرے کہ 25 مارچ ئنا شام بلوچ لبریشن آرمی نا مجید بریگیڈ اسہ بھلو جلہو ئسیٹی پاکستانی لشکر نا ارٹمی بھلا نیول بیس، پی این ایس صدیق ئے نشانہ کرے۔ اراٹی چار بلوچ فدائینک ایوب عظیم،مراد حاصل،وجداد و خلیف بشخ ہرفیسُر۔
