پَنجگُور آن بروکا حوال آ تا رد ئٹ ہنوکا شام پَنجگُور نا ہند وش آپ ئٹی سرکاری مُختفی گروہ و سلاہ بند بندغ آ تا نیامٹ جھڑپ مس ۔
پاننگ مننگءِ کہ سُمکاری سرکار مُختفی گروہ نا بندغ آک جاگہ آن نرار۔
تدینی نا وخت سُمکاری و تراک ئنا توار ہم بننگا و دائسکان پین جانی نسخان نا حوال اف ۔
بلوچستان ناساحلی شہر گوادر ئٹی سخت چیکنگ و ناکہ بندی ، شابیتی حوال آ تا رد ئٹ اینو پاکستانی قوزہ گیر لشکر فقیر قالونی،نیوٹاؤن تون اوار ایب کھیب نا اُرا تے آ چھاپہ خلک، ولے دزگیری نا حوال دائسکان بتنے ۔
ہندی حوالکار آ تا پاننگ ءِ کہ اینو سہُب آن شہر ئنا جتاء جاگہ آتا پاکستانی لشکر ناکہ بندی کرینے کسر نا لاری تہ سخت چیکنگ کننگءُ ۔
او پاریر کہ جی ڈی اے آ پاکستانی لشکر نا بھلو کچ ئس سلوک ءِ ۔ حوالکار آک دا حوالہ ئٹ دائسکان ہچ شابیتی حوال تتنو ۔
پشین ئٹی لیویز فورس نا کاروائی نا وخت سُمکاری مس اراٹی لیویز رسالدار خلنگا ،مُسہ کارندہ ٹپی و ہشت سہولت کار تیتون اوار 15 بندغ دزگیر کننگار ۔
لیویز نا رد ئٹ پشین ئٹی لیویز فورس و ایلو فورسز آتا اواری ئٹ کاروائی نا وخت سُمکاری مس اراٹی لیویز رسالدار حمیداللہ خلنگا ،مُسہ لیویز کارندہ موسیٰ ، ظہور آغا و بلال احمد بھاز ٹپی مسُر ہافتے ہموخت اسپتال آ دریر ۔
لیویز دا تدینی ٹی کارمرز مروکا لاری ئے کروکا 8 سہولت کار تیتون اوار 15 بندغ آ تے دزگیر کننگ نا دعویٰ کرے۔
لیویز حوالکار آ تا رد ئٹ کاروائی چمن جیل آن نروکا اشتہاری ملزم داد محمد عرف داد گل نا دزگیری کن کننگا ۔
