کراچی منگھوپیر نادرن بائی پاس چلغڑی کٹ مدینہ نا خُڑک 20 سالی آ شعیب باکسر و 25 سالی آ شاہ زمان نا سُم خلوکءُ جون آک دو تمار۔ پاننگ مننگءِ کہ اوفتے ہشت توو مُست کراچی سینگولین آن رینجرز و ڈکھوک ادارہ آک زوراکی ئٹ بیگواہ کریسُر۔
داکان ابید پسنی نا ہند وارڈ نمبر 7 ئنا ہندی 17 سالی آ راجہ ولد گوہر پنی ءُ ورناس تینے گھٹو کرسا خودکشی کرے۔
ایلو نیمہ آ ضلع کیچ آن حوالءِ کہ تربت ڈسٹرکٹ جیل تربت آن بلیدہ میناز نا ہندی جہانزیب خودکشی کرے و میناز بلیدہ ٹی محمد نور ولد خدامرزی حاجی زرین پنی ءُ بندغ ئس تینے گھٹو کرسا خودکشی کرے۔
واہم خودکشی نا زوب آک دائسکان چائنگ متنو۔
ایلو نیمہ مکران کوسٹل ہائی وے،پسنی گوادر سیکشن آ کنڈا سول نا خُڑک ایل چی جی ٹینکر و لاری ئس ٹکر کنگُر ارانا سوب آن چار بندغ ٹپی مس۔
