بلوچ آجوئی خواہوک راہشون و بی ایس او نا مُسکوہی چیئرمین ڈاکٹر اللہ نذر چاگڑدی میڈیا نا ماہیکرو بلاگنگ سائٹ ایکس آ تینا اَسہ درشان ئسیٹی پارے کہ سی پیک نا وڑ ریکورڈک ریلوے ٹریکس و ایلو سامراجی منصوبہ آک تنیا بلوچ آ تا جون آتا زی آ جوڑ کننگ مرور ۔ او پارے کہ ننے سماء ءِ کہ بحیثیت راج نن اخس قیمت ادا کینہ ۔
ڈاکٹر اللہ نذر بلوچ پارے کہ دا اَسہ حقیقت ئسے کہ جہانی مخلوق مُست آن دا ہیت آتا با خبرءِ کہ پاکستانی لشکر بلوچستان ئٹی جنگی جرائم آ تیٹی اوار ءِ ۔ او ارا وخت اسکان دا نسل کشی کروکا لشکر نا مُختفی ئے کرسہ کرور۔
ڈاکٹر اللہ نذر پارے ہُرینہ انت مریک؟ ننا آجوئی نا جُہد ئٹی بھاز وخت لگنگ کیک ولے بلوچ راج نسل در نسل تینا آجوئی نا جنگ ئے کرسا کرو ۔
بلوچ راہشون ایسر ئٹ پارے کہ نن سامراجی طاقت آتے تینا وسائل تہ لُٹ ءُ پل و تینا آبادی ئے بدل کننگ نا اجازت تروفن ۔
