شال لورالائی و مستونگ آن پاکستانی لشکر نا دو آن مُسہ بندغ زوراکی ئٹ بیگواہ۔
شابیتی حوال آتا رد ئٹ شال و لورائی آن پاکستانی لشکر پشتون تحفظ موومنٹ پی ٹی ایم رہشون نقیب پشتون و عصمت کامریڈئے ریاستی ادارہ آک بابا جان ہوٹل پرنس کسر آن برمتہ کریر و نادُرست جاگہ ئسیا دریر۔
ہندُن خضدار نا تحصیل زہری بازار آن اِرا ایلم میر جان و حسین جان ولد سید جان پنی ءُ بندغ آتے پاکستانی لشکر دزگیر کرسا زوراکی ئٹ بیگواہ کرے اوفک زہری شہر اسپتال آ علاج کن بس اسُر۔
بدنام زمانہ سی ٹی ڈی نا کارندہ آک امیر حمزہ ولد مزار خان کاریز نور محمد پڑنگ آباد مستونگ نا ہندی ئے دزگیر کرسا بیگواہ کریر۔
آواران نا تحصیل جھاؤ ٹی پاکستانی لشکر ڈاکٹر طاہر و ظفرئے بھلا کیمپ آ بٹنگیسفہ زوراکی ئٹ بیگواہ کرے۔
تدینی آن پد ہندی بندغ آک جھاو ٹی برانز کرسا کراچی نا کسرئے کریر و پاکستانی لشکر نا برخلاف نعرہ بازی بناء کریر۔
برانزی تہ پاننگءِ کہ لشکر نا دُننگا عمل تہ سوب آن ہندی بندغ آک تنگ ءُ مظلوم انگا بندغ آتے کیمپ آ بٹنگیفسہ پدا بیگواہ کننگ پاکستانی لشکر نا بزدلی نا ایسرءِ۔
