کیچ: گوادر پورٹ اتارٹی کمپلکس آ مجید بریگیڈ نا فدائی جلہو ئٹی شہید مروک آتے جتا جتا ہند آتا نماز جنازہ آن پد گلزمین نا باہوٹ کننگا۔
حوالکار نا رد ئٹ شہید فدائی بابر ناصر عرف سہیل ئے ملک آباد،شہید فدائی کریم جان عرف زوران و خدا دوست عرف اسد ئے آپسر تربت ئٹی نماز جنازہ آن پد گلزمین نا باہوٹ کریر۔ شہید آتا نماز جنازہ ٹی سیاسی و چاگڑدی باسک آتیتون اوار ایلو بندغ آک بھلو کچ ئسیٹی بسنو۔
ہندا وڑ شہید فدائی ریاز الاھی عرف جنگی خان، مسلم مہر عرف سالار و مروان عرف مہراب ئے میناز بلیدہ ٹی نماز جنازہ آن پد گلزمین نا باہوٹ کرینو۔شہید آتا نماز جنازہ ٹی بندغ آک بھلو کچ ئسیٹی بسنو۔
شہید آتا قبر آتا پھُل خسانو و اوفتے خراج عقیدت ندر کرینو۔
حوالکار نا رد ئٹ شہید فدائی شوکت حکیم گنگو عرف سفر خان نا میت ئے دوئی کرسا اونا جند ئنا باوہ پیرئی آ ہند خضدار گزگی آ رائی کرینو۔
