گوادر ئٹی تدوکا دے تیٹ بلوچ لبریشن آرمی مجید برگیڈ نا فدائینک پاکستانی ڈھکوک ایجنسی تا میٹنگ آ جلہو کرسا 25 کارندہ ئے مرگ ئنا گواچی کروک ہشت فدائی تا جون تے کھڈ کننگ کن تینا علاقہ آتیا دننگ نا موکل تننگ افس۔
ہندی حوال تا رد ئٹ گوادر ئٹی اِرا دے مُست جی پی اے کمپلیکس آ جلہو ئٹ خلنگوکا 8 بندغ نا جون تے اینو سُہب آن سول ہسپتال گوادر ئٹی ہتنگانے، ہرافتا خاہوت آتیٹ روچہ با آ زالبولک ہم تُد ءُ، سُہب آن اسپتال ئٹی ءُ ولے جون تے اوفتے تننگ افس۔
خاہوت آتا پاننگ ءِ کہ سُہب ئنا عدالت جون تے خاہوت آتے تننگ نا حکم تسس و غٹ جون تے سول اسپتال آ سر کننگاسس، ہرافتیکن ایمبولینس نا بست و بند ہم کننگانے ولے سُہب آن کاؤنٹر ٹیرززم ڈیپارٹمنٹ نا کاردنہ غاک جتا وڑ ئٹ ہڑاند ودی کرسا جون تے خاہوت آتے تننگ افس۔
