بلوچستان نا ضلع خضدار نا ہند گزگی ٹی پاکستانی لشکر چھاپہ خلیسہ شہید شوکت نا باوہ عبدالحکیم ئے دزگیر کننگ آن پد بیگواہ کرے ۔
شہید فدائی شوکت حکیم ہنوکا دے گوادر جلہو ئٹی جنگ کرسا شہید مسس۔
دا اولیکو تدینی اف داکان مُست ہم بلوچ سرمچار و جندندر آتا لمہ، باوہ تے تنگ کننگ کن اوفتا اُراتا چھاپہ خلیسہ پاکستانی لشکر نہ بیرہ لٹ و پُل کرینے بلکہ زالبول و چُناتے خلیسہ اُرانا بندغ آتے تشدد کرسا نرینہ آتے زوراکی ئٹ بیگواہی نا گواچی ہم کرینے ۔
پاکستان آن بیدس پین ملک آ تیٹ دُن مفک کہ کس سیال ئنا سوب آن اوفتا تیوعہ خاوت ئے تشدد نا نشانہ کیر، دا ہیت پاکستان ئٹی عامءِ ، لمہ، باوہ، ایلم و سیال آک تینا مار ، ایلم ئنا کاریم آن بے خبر مریر ہم تدینی آن پد تیوعہ خاوت ئے ظلم و جبر ئنا گواچی کننگک ۔
