بلوچستان نا ضلع بولان نا ہند مچھ ئٹی پاکستانی لشکر بھلو کچ ئسیٹی ہن و بر کننگ ءِ۔
حوال آتا رد ئٹ کیہی لاری تہ پاکستانی لشکر نا قافلہ مچھ ئٹی ہن و بر کننگءِ۔ ہندی حوال آتا رد ئٹ قافلہ ٹی بکتر بند لاریک ہم اوار ءُ و بمب ڈسپوزل اسکواڈ نا کارندہ آک قافلہ کن کسرئے صاف کننگ ءُ۔
یاتی مرے کہ ہندا توو ئٹی پاکستانی لشکر مچھ اتون اوار بولان و ایب کیب نا ہند سبی،ہرنائی نا جتاء جتاء انگا ہنداتیٹی لشکر کشی کرے ارا اِرا ہفتہ اسکان برجاء ئس۔ لشکر کشی نا وخت آ پاکستانی لشکر زالبول و چُناتے دزگیر کرسہ جنگل آتے ہشاسس۔
اینو بولان نا ہند مارگٹ ئٹی نادُرست سلاہ بند بندغ آک اسہ آئی ای ڈی جلہو ئسیٹی پاکستانی لشکر نا سپلائی لاری ئے ٹک کریسُر اراٹی لشکرئے جانی و مالی نسخان رسینگ نا حوالءِ۔
