بلوچ لبریشن آرمی نا ترجمان جیئند بلوچ تینا شنگ کروک بیان ئٹی پارے کہ نُہہ سرمچار تمپ، زامران و مستونگ ئٹی مُسہ جتاؤ جلہو ئٹی کوزہ گیر پاکستانی لشکر ئے ٹک کریر ہرافتیٹ چھار دشمن کارندہ مرگ ئنا گواچی و پنچ ٹپی مسر۔
او پارے کہ بلوچ لبریشن آرمی نا سرمچار آک درو کیچ ئنا علاقہ تمپ ئٹی لشکر کشی ٹے اختہ کوزہ گیر پاکستانی لشکر نا کارندہ غا تے کوہاڑ ئٹی گزن کوہ نا ہند آ ہمو وخت ٹک کریر ہرا وخت او علاقہ ٹی مُستی گھام خلنگ اسر۔
او پارے کہ سرمچار آک سنگر ہلِسہ کوزہ گیر لشکر آ جلہو کریر ہرا نا سوب آن مُسہ دشمن کارندہ ہند آ مرگ ئنا گواچی مسر۔
او ودیک پارے کہ بی ایل اے نا سرمچار آک اسہ پین کارروائی ئسیٹی درو ننکان مستونگ شار ئٹی کوزہ گیر پاکستانی لشکر نا بنجائی کیمپ ئنا رکھوکا پوسٹ ئے چغلی بمب جلہو ئٹ ٹک کریر، تراک ئٹی کم آن کم مُسہ دشمن کارندہ ٹپی مسر۔
ترجمان ودیک پارے کہ 17 مارچ ئنا ننکان زامران ئٹی کوہ تان نا ہند آ کوزہ گیر پاکستانی لشکر نا پوسٹ آ گرنیڈ لانچر ئٹ کیہی گولہ خسار و خودکار سلہہ تیٹ ٹک کریر ہرا نا سوب آن اسہ دشمن کارندہ ئس مرگ ئنا گواچی و کم آن کم پین اِرٹ ٹپی مسر۔
او پارے کہ بلوچ لبریشن آرمی دا جلہو تا ذمہ واری ئے ہرفِک و تینا مسخت نا دوئی کننگ اسکان ننا کاروائیک برجاء مرور۔
