بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ سرمچار آک آواران نا ہند جھاو ٹی قوضہ گیر پاکستانی لشکر نا چوکی آ جلہو کرسا اسہ کارندہ سے خلُکر اسٹ ئے ٹپی کریر۔
بی ایل ایف نا سرمچار آک 17 مارچ یک شمبے نا شام ئنا ہفت بجہ آ جھاو نا کوٹو دمب آ اڈ مروکا دشمن لشکر نا چوکی آ بھلا و خودکار سلاہ تیٹ جلہو کریر۔ جلہو ئٹی دشمن لشکر نا اسہ کارندہ ئس ہمو جاگہ خلنگا و اسٹ ئس سخت ٹپی مس۔
جلہو ہمو وخت آ کننگا وختس قوضہ گیر لشکر بھلو کچ ئسیٹی چوکی ٹی ساڑی ئس، جلہو ئٹی دشمن نا لاری تے و چوکی ئے نسخان رسینگا۔
او ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک و سرزمین نا آجوئی اسکان دشمن آ جلہوک برجاء مرور۔
