کیچ ئنا علاقہ آتیٹ لشکر کشی ٹی اختہ کارندہ غا تیا سلہہ بند بندغاک جلہو کریر۔ جلہو آن پد ہیلی کاپٹر آک علاقہ ٹی سر مسر۔
بلوچستان نا ضلع کیچ ئٹی تمپ ئنا علاقہ کلبر، گومازی، کہن و ہیب کھیب ئنا علاقہ آتیٹ اینو سہب ئنا پاکستانی لشکر تینا لشکر کشی ئے بناء کرے۔ کیہی گاڑی تیا ساڑی لشکری کاروان ئے علاقہ آتیٹ خننگ مس۔
حوال تا رد ئٹ کلبر نا علاقہ کوہاڑ ئٹی آپریشن ئٹی اختہ کارندہ غاتے سلہہ بند بندغاک سنگر ہلِسہ ٹک کرینو۔
ہندی حوال تا رد ئٹ جلہو ئٹی لشکری کارندہ غاتے جانی نسخان مسنے۔ جلہو آن پد علاقہ ٹی ہیلی کاپٹر آک ہم خننگ مسر۔
کوالخواک داسکان لشکر کشی و جلہو تیٹ نسخان تا بارو ئٹ ہچو ہیت کتنو۔
