تِدوکا دے بلوچستان نا ہند حب چوکی ٹی ورناس خودکشی کرے۔
داؤد داد بلوچ پِنی آ ورنا انگا فوٹوگرافر حب چوکی ٹی تینا اُراٹی پنکھا آ چٹ ئس شاغسہ تینے لوپ کرے۔
دا ویئل ئنا سوب انگا چائنگ متنے۔
یاتی مرے کہ بلوچستان ئٹی گیشتر ورنا انگا نرینہ و نیاڑی تیٹی خودکشی نا شرح گیش مننگءِ۔
بلوچ نیشنل موؤمنٹ (BNM) نا بندغی حق آتا ادارہ نا نیمہ آن شنگ مروکا تیدری نا رِد ئٹ بلوچستان ئٹی خودکشی نا وئیل آک بھاز مننگ ءُ۔
تنظیم نا رِد ئٹ تِدوکا سال تیوعہ بلوچستان ئٹی 80 خودکشی نا وئیل آک رپورٹ مسُر، ولے کیس آتا اصل انگا کچ گیش مننگ کیک۔ بھاز کیس آتا رپورٹ مفننگ نا سوب بلوچستان ئٹی انٹرنیٹ و رابطہ نظام نا مفننگءِ۔
