بی ایل ایف نا جارکش میجر گہرام بلوچ میڈیا ٹی شنگ مروکا درشان ئسیٹی پارے کہ سرمچار آک چاردہ مارچ شام ئنا نوہ بجہ آ کیچ ئنا بھلا شہر تربت ئٹی انٹرنیشنل ائیرپورٹ نا مین گیٹ آ اڈ مروکا لشکری چوکی آ دستی بمب ئٹ جلہو کرسا اِرا کارندہ تے ٹپی کریر۔
سرمچار آک ہمو وخت لشکری کارندہ تے ٹک کریر وختس اِرا کارندہ چوکی ٹی اسُر، دستی بمب جلہو ئٹی چوکی ئے ہم نسخان رسینگا۔
ایسر ئٹ او پارے کہ بلوچستان لبریشن فرنٹ دا جلہو نا ذمہ واری ئے ہرفک۔ بلوچستان نا آجوئی اسکان قوضہ گیر لشکر آ جلہو تہ سلسلہ برجاء مرو۔
