بلوچ یکجہتی کمیٹی میڈیا ٹی شنگ مروکا درشان ئسیٹی پارے کہ بلوچ یکجہتی کمیٹی نا رِد ئٹ گْوادر شہر و کیب ئنا ہند آتا کمکی کاریم برجاء ءِ ۔ او پارے کہ اولی سرپدی تہ رِد ئٹ سامان تے بشخنگءُ ۔ چار شمبے 13 مارچ آ پلیری گْوادر نا مراد بخش بازار ، شے بازار و ابراہیم بازار نا سیلاب زدہ آ خاوت آتے کمکی سامان تے ونڈ کننگ ءُ ۔ او پارے کہ بلوچ یکجہتی کمیٹی نا سر مروکا کمک آک ضرورت مند بندغ آتا ونڈ کننگ برجاء مرور۔ تنظیم نا کمکی کمیٹی ئے امرو کمک ئس تروئی مس یا سرپدی کن تنظیم نا نمبر آ حوال کیر۔
