آواران : زوراک آ پاکستانی لشکر بھلو کچ ئسے ئٹ جھاؤ نا بُڑز ئنا ہند آتا ہنانے و لشکر کشی نا گمان ءِ ۔
حوالکارنا رِد ئٹ زوراک آ پاکستانی لشکر استو واجہ باغ آن بھلو کچ ئسے ئٹ بُڑزا ہنانے و استو ملان اسکول آ توسُنے پین کیہی لاریک کوٹو اسکان ہنانو ۔ زوراک آ پاکستانی لشکر کوٹو نا اسکول ئے دُوئی کرینے توسُنے و ملک آتا ہن بر کننگ نا نیام ئٹ تینٹ سُمکاری کرینے ۔
حوالکار نا رِد ئٹ نوندڑو نا نیمہ آن ہم پاکستانی لشکر نا کاروان ئس ہننگ ئٹی خننّگانے ۔
گُڈی حوال اسکان پاکستانی لشکر نا کاروان محمد پیر آ سر مسُنے ۔ ہندُن گمان مریک کہ پاکستانی لشکر جھاؤ ٹی بھلو کچ ئسیٹی لشکر کشی ئس کیک ۔ تینا زوراکی تے برجاء تخک ۔ گیشتر حوال آتیکے ننا پٹ و پول برجاء ءِ ۔
یاتی مرے کہ زوراک آ پاکستانی لشکر 2015 ٹی جھاؤ نا بُڑز ئنا ہند آتیٹی کیہی جاگہ آتا چوکی خلکُنے ۔ پاکستان نا ووٹ آن مُست پاکستانی لشکر تینا کیہی چوکی و کیمپ آتے یلہ تسُنے ۔
