بی ایل ایف نا جارکش میجر گہرام بلوچ میڈیا ٹی شنگ مروکا درشان ئسیٹی پارے کہ ہنوکا دے دو شمبے آ کیچ ئنا ہند ھوت آباد ئٹی بی ایل ایف نا سرمچار آک اسہ ریاستی مخبر ئسے سُمکاری کرسا خلکُر۔
بی ایل ایف پاکستانی لشکر نا دا مخبر و سہولت کار بالاچ بشیر نا خلنگ نا ذمہ واری ئے ہرفک۔
بالاچ ولد بشیر تمپ بالیچہ نا ہندی منہ سال بی ایل ایف ئٹی اوار ئس ولے 2019 ئٹی ریاستی لشکر نا مونا سلاہ بٹنگ آن پد دشمن نا انٹیلی جنس ایم آئی کن کاریم کننگ بناء کرے۔
او بلوچ جہدکار شیھک بلوچ،ناکو تلانگ،کامران نودی و جعفر ثناء تون ایلوفتا شھید کننگ ئٹی تُد مسُنے۔
ریاستی مخبر بالاچ بشیر لشکر کشی نا پن ئٹ پاکستانی لشکر نا کیہی لشکری زوراکی تیٹی بشخ ہرفینے و دشمن نا سہولت کار مسُنے ارافتیٹی مزن بند،کلبر و ناصر آباد تون کیہی ہند آتا لشکر کشی تُد اسُر۔
چاگڑدی خرابی تیتون کیہی بے گناہ و معصوم بندغ آتا خلنگ و زوراکی ئٹ بیگواہی ٹی ہم دانا بھلو دو ئس اسک۔
بلوچ نسل کشی و بلوچ سرزمین تون غداری کننگ نا جرم ئٹی ڈوہدار مننگ آن پد ریاستی مخبر و سہولت کار بالاچ بشیرئے بلوچ سرزمین و راجی سلامتی ئے نسخان تننگ آ سُمکاری کرسہ خلنگ مس ارانا ذمہ واری ئے بی ایل ایف ہرفک۔
او ایسر ئٹ پارے کہ بلوچ سرزمین و بلوچ راج اتون غداری و قوضہ گیر دشمن ریاست کن بلوچ نسل کشی و زوراکی ئٹ بیگواہی تیٹی سہولت کاری کروکا کُل بندغ آک ننا نشانہ ٹی ءُ و مرور ہم۔
