بلوچستان نا ضلع سوراب آن ہنوکا شام 8 بجہ نا خُڑک آر سی ڈی کسر سوراب چوک آن عبدالرازق بلوچ ئے پاکستانی لشکر سی ٹی ڈی و اوفتون پین نقاب پوش آ بندغ آک مُچی نا مون آ زوراکی ئٹ بیگواہ کریر ۔
عبدالرازق نا خاوت تیوعہ شام سوراب آر سی ڈی کسرئے بند کرسا برانز کرے ۔ اوفتا پاننگءِ کہ اراوخت اسکان عبدالرازق بلوچ ئے رکھ آجو کتنو ہموخت اسکان ننا برانز برجاء مرو۔
بلوچ یکجہتی کمیٹی نا راہشون ڈاکٹر ماہرنگ و باسک آک ہم برانز ئٹی اوار ءُ ۔
زوراکی ئٹ بیگواہی نا گواچی مروکا عبدالرزاق نا باوہ نا پارے کہ اونا مار تراویح خواننگ کن ہناسس کہ اودے زوراکی ئٹ بیگواہ کریر ۔ اونا مُسی پاننگ ئس کہ داکان مالو ہم اونا اَسہ مار ئسے کیہی تُوو اسکان زوراکی ئٹ بیگواہ کننگ آن پد آجو کریر ارا دائسکان ذہنی حوالہ ئٹ مفلوج ءِ ۔
برانزئٹی اوار عبدالرازق نا باوہ عبدالخالق بلوچ ئے بلوچ یکجہتی کمیٹی نا سربراہ ڈاکٹر ماہرنگ بلوچ پارے کہ دا ننا آئینی حق ءِ کہ نن تینتون مروکا جبر ئنا برخلاف بش مرین ،نن نُما دا گام ئنا تعریف ئے کینہ و ریاست ئے زوراکی ئٹ بیگواہی تہ تینا پالیسی ئے ایسر کروئی مرو نا تیوعہ بلوچستان نا اُلس ئے منظم کرسا دا پالیسی نا برخلاف کسر تیا ہتنگ مرو ۔
ماہرنگ بلوچ پارے کہ ایب کیب ئنا کُل بندغ آ تیان خواست کیوہ کہ لاقانونیت نا برخلاف دا مظلوم انگا خاوت تون اوار سلیر ۔
