نہہ سال آن زوراکی ئٹ بیگواہ آ ظہیر بلوچ نا لُمہ تینا مار اکن کسر ہُرسا دا جہان آن رخصت مس ۔
یاتی مرے کہ 13 اپریل 2015 آ پاکستانی لشکر ظہیر احمد ئے بلوچستان نا صنعتی شہر حب چوکی آن ہموخت بس آن دڑفیر بیگواہ کریر اراوخت او پَنجگُور آن کراچی آن ہننگ ئس ۔
بلوچستان ئٹی کیہی بیگواہ بندغ آ تا لمہ باوہ تینا چُنا تیکن ہروک دا جہان آن ہنانو ۔ بیگواہ آ بندغ آتا آجوئی کن برانز آتا وخت بیگواہ مروکا بندغ آتا لمہ باوہ آک بے ہوش مسُنو ۔
بلوچستان ئٹی زوراکی ئٹ بیگواہی تہ گواچی مروکا اِرا دہائی آن بیگواہ آ سیاسی باسک آتا لمہ باوہ تون اوار خاوت درد و فریشانی آن جتاء انگا جیڑہ آتا گواچی ءُ ۔
بیگواہ مروکا بندغ آ تا خاوت آک تینا بندغ آ تا آجوئی نا خواست ئے کرسا حکومت آن دا خواست ئے کیرہ اگہ اوفتا بندغ آک میار ئس کرینو اوفتے عدالت نا مونا ہتبو سزا ایتبو تہ،ولے ہندُن سال آ تیان اوفتے بیگواہ کننگ تیوعہ خاوت ئے اذیت ئٹی شاغنگءِ ۔
بلوچستان ئٹی راج دوست پارٹیک و بندغی حق آ تا تنظیم آک پاکستانی لشکرئے بندغی حق آ تا خلاف ورزی و بندغ آ تا زوراکی ئٹ بیگواہی تہ ذمہ وار پارہ۔
