حب ئٹ برمتہ کروک و نادرست آ بندغ آتا نیامٹ سم کاری ٹی اِرا بندغ بیران مسر۔
شابیتی حوال تا رد ئٹ بلوچستان نا ضلع حب چوکی ٹی سسی پنوں روڈ آ چھالیہ بردار گاڑی ڈرائیور و اونا سنگت تون اوار برمتہ آن گڈ مننگ کروک اِرا نیمہ غان سُمکاری آن گڈ اِرا برمتہ کروک کھسکر و اسٹ نرو۔
تونکا برمتہ مروکا آجو کننگار و گاڑی نا ڈس رسینگتو، مونتس ئٹ خلکگوکا بندغ آتا تعلقداری کراچی آن اس۔
دا بارو ئٹ حب ئنا کھیب ئنا علاقہ ساکران آن رسینگوکا حوال تا رد ئٹ پنچ شمبے و جمعہ نا نیامیکو نن سسی پنوں روڈ آ حسن پیر ہند آن مُسہ سلہہ بند بندغ سسی پنوں عباسی پولیس چیک پوسٹ ئے کراس کرسا ساکران نا کسر ئٹ کراچی آ ہنوکا چھالیہ بردار اسہ گاڑی ئسے ڈرائیور و اونا سنگت تون اوار برمتہ کریر ولے گاڑی و مال تا خواجہ غا تے تدینی نا حوال رسینگا و اوفک تینا سنگت آتون اوار علاقہ ئے کھیرہ کریر و گاڑی و برمتہ مروک بندغ آتا پٹ ءَ پول ئے بناء کریر۔
اندا وختا اوفتا مون سلہہ بند بندغ آتون تما و تومکا نیمہ غان سم کاری آن گڈ اِرا سلہہ بند بندغ کھسکر۔
ایدھی ریسکیو نا رد ئٹ خلنگوکا بندغ آتیان اسٹ نا چاہنداری محمد قاسم نا پن ئٹ مسنے ایلو نا داسکان سما تمتنے۔
