گوادر: سیلاب زدہ بندغ آتا کُمک کن بلوچ یکجہتی کمیٹی نا نیمہ آن خلنگ مروکا گدان ئے پولیس بند کننگ نا تڑی تننگءِ۔
حوالکار نا رد ئٹ دا وخت آ بھلو کچ ئسیٹی پولیس کارندہ آک بسُنو و بی وائی سی نا کمکی گدان ئے گھیرہ کرینو، ہندا گُمان مننگءِ کہ گدان آ جلہو کرو۔ پولیس کارندہ تیٹی زالبول ہم تُدءِ۔
یاتی مرے کہ گوادر نا ہارئے دہ دے گدرینگ آن پد ہم سرکار نا نیمہ آن ہچو کُمک ئس کننگ متنے۔
دا رد ئٹ بی وائی سی گوادر تون اوار بلوچستان نا جتا جتا انگا ہند و جاگہ آتا گوادر نا سیلاب زرہ بندغ آتیکن کمکی گدان ئس خلُکنے و گوادر نا سیلاب آن متاثر مروکا بندغ آتے بلوچ راج ئنا نیمہ آن کمک مُچ کننگءُ۔
