کیچ: تمپ ئٹی یک شمبے نا بیگہ نا نہنگ ڈور ئٹی بڈینگوکا ورنا شہزاد نا جون پنچمی دے دو تمانے۔
شہزاد ولد واحد تمپ ئنا ہند دازن نا ہندی سے، ہمو وخت آ دیر بُڈینگانے کہ او بیگہ آ دازن آن موٹرسائیکل آ ملانٹ کن ہننگ ئس۔ خاوت و ہندی بندغ آتا پٹ و پول آن پد اینو پنچمی دے آ اونا جون خننگانے۔
حوالکار نا رد ئٹ شہزاد نا جون ئے کشنگ کن سرکاری کالخواک ہچو کمک ئس کتنو۔ شہزاد نا جون ئے کشنگ کن ہندی بندغ آک کُمک کرسہ جون ئے کشانو۔
دا رد ئٹ ہنوکا دے شہزاد نا ایلم تینا ویڈیو سیٹی پارے کہ کنا ایلم نا جون ئے پٹنگ کن سرکار ننا ہچو کمک ئس کننگ اف۔ داڑے لیویز و پولیس کارندہ آک ہندُن بریرہ تولیرہ پدا کارہ، ننے ہچ وڑءُ کمک ئس کننگ افس۔
