نمبی تہو تا پوسکنا اسپیل بلوچستان ئٹ بننگ آن گڈ کوئٹہ تون اوار ایلو علاقہ آتیٹ پِر و برف دوارہ بناء مس، محکمہ مُد چھار شمبے نا دے بلوچستان نا 18 ضلع ٹی پِر ئنا پیشنگوئی کرے۔
بلوچستان ئٹ سئے شمبے نا دے پیشیم آن پِر تا پوسکنا اسپیل بناء مس ہراکان گڈ شال ئٹی پِر ئنا لڑ شام اسکان وقفہ وقفہ ئٹ برجاء سلیس و وادی زیارت و اوڑتون تفوک علاقہ آتیٹ برف تمنگ نا لڑ بناء مس، اسہ وڑ برف تمنگ آن گڈ ہر گِڑا ئے برف ئنا پیہُنا چادر ڈھکا۔
گوادر و پنجگور تون اوار بکوچستان نا ایلو علاقہ آتیٹ ہم پِر بناء مس، کُل آن زیات پِر پنجگور ئٹ 1 ملی میٹر ریکارڈ مس، ایلو جتا علاقہ آتیٹ برگ آن یخ زیات مس۔
محکمہ مُد چھار شمبے نا دے کوئٹہ، چمن، پشین، قلعہ سیف اللہ، قلعہ عبد اللہ، زیارت، ژوب، شیرانی، موسیٰ خیل، قلات، خضدار، چاغی، پنجگور، تربت، واشک، دالبندین، خاران، گوادر، جیوانی و پسنی تون اوار کیہی علاقہ آتیٹ ترند تہو و ہورہ گروک تون پِر و مَش تیا برف تمنگ نا گمان کرے۔
