بی ایل ایف نا جارکش میجر گہرام بلوچ میڈیا ٹی شنگ مروکا میڈیا ٹی پارے کہ سرمچار آک کیچ ئنا ہند کولواہ ٹی پاکستانی لشکر کن راشن و ایلو گڑا دروکا لاری آ جلہو کرسہ راشن و گڑاتے ضبط کریر۔
استو سرمچار آک مراستان کولواہ ٹی پاکستانی لشکر کن راشن دروکا لاری آ جلہو کرسہ راشن و ایلو گڑاتے ضبط کرسہ ڈرائیورئے بلوچ مننگ نا سوب آن خُلیفسہ یلا کریر۔
بے سہُب آ پاکستانی لشکر تینا کیمپ و چوکی تہ راشن دننگ کن لوکل لاری تے طاقت نا زور آ کارمرز کیک۔ دا راشن قوضہ گیر پاکستانی لشکر نا ہوشاپ کیمپ آن سگگ، بلور کن ہننگ ئس کہ سرمچار آک مراستان آ لاری ئے توریر و راشن و ایلو کُننگ نا گڑاتے تینتون دریر۔
داکان مُست ہم سرمچار آک بلوچستان نا جتا جتا انگا ہند و کولواہ ٹی ہندا سال فروری ٹی دشمن لشکر نا راشن و ایلو گڑاتے ضبط کریسُر و ہندا موقع آ اسہ سرویلنس ڈرون کیمرہ سے ہم خلکسُر۔
او ایسر ئٹ پارے کہ بلوچستان لبریشن فرنٹ دا جلہو نا ذمہ واری ئے ہرفک۔ بلوچ سرزمین نا آجوئی اسکان دشمن نا کُل مفادات آک سرمچار آتا نشانہ ٹی ءُ۔
