بلوچ یکجہتی کمیٹی نا راہشون ڈاکٹر ماہ رنگ بلوچ گوادر نا دورہ آ سر مس ۔
ڈاکٹر ماہ رنگ بلوچ گْوادر ئٹی ہنوکا دے پِر تیان پد مروکا تباہ کاری تیان ہندی بندغ آتون تون اواری و اوفتا کمک کن سر مس ۔
یاتی مرے کہ ہنوکا دے تیٹ گْوادر ٹی پِر تیان کیہی ہند آک متاثر مُسنو ۔
پِر ئنا دیر نہ بیرہ اُرا تیٹ بلکن دکان تیٹ ہم پیہانے ۔ نکاسی آب نا بست و بند وے مننگ نا سوب آن شاریک اُرا تیٹ بند و کیہی کشتیک ناکارہ مسُنو ۔
یاتی مرے کہ داکان مُست بلوچ یکجہتی کمیٹی کراچی فیصلہ کرینے کہ بی وائی سی کراچی چندہ مُچ کرسہ ہندی بندغ آتا اخس مننگ کیک کمک ئے کے ، پڑو ئٹ پاننگا کہ ارا بندغ دوست دا مشکل ساہت ئٹ ننتون اوار مننگ خوائک ، نن تون رابطہ کیر ، ببو تینا راجی ذمہ واری تے عملی دروشم ئٹ کرسہ اوار مرین ۔
