بلوچ یکجہتی کمیٹی نا راہشون، سیاسی و بندغی حق آتا باسک ڈاکٹر ماہ رنگ بلوچ پاکستانی لشکر نا نیمہ آن بلوچستان نا ہند بولان و ایب کیب ئنا ہندا آتیٹی برجاء انگا لشکرکشی آ خلیس نا درشانی کرسہ بندغی حق آتا تنظیم آتیان نوٹس ہلنگ نا خواست کرے۔
ماہ رنگ بلوچ نا رد ئٹ بولان و ایب کیب نا ہنداتیٹی ہنوکا نُہہ دے آن برجاء انگا لشکر کشی نا سوب آن ہندی مخلوق بھاز انگا جنجال آتے مون تننگءُ، ہند ئنا بندغ آک و چُنا نیاڑیک بھاز جنجال آتا گواچی ءُ۔
او بندغی حق آتا تنظیم آتیان چُنا زالبول آتا حق آتیا توجہ تروکا تنظیم آتیان بولان ئٹی ہندی مخلوق ئے جنجال آتیان کھشنگ و نوٹس ہلنگ نا خواست کرینے۔
