پدا ووٹنگ کننگ نا وخت آ سُمکاری آن گچینگاری ایجنٹ خلنگا ، مُسہ بندغ ٹپی مسُر ۔
بلوچستان نا ضلع زیارت نا ہند سنجاوی ٹی پی بی 7 نا 11 پی ایس ئٹی پدا پولنگ نا وخت گورنمنٹ گرلز پولنگ اسٹیشن آ سُمکاری آن زالبول ایجنٹ ئس خلنگا ، تُدینی ٹی چُنا ئسے تون اوار مُسہ بندغ ٹپی مسُنو ۔
سُمکاری نا تدینی سنجاوی بازار نا زالبول آتا پولنگ اسٹیشن آ ہموخت مس ہراوخت او بندغ آک ووٹ کاسٹ کنگ اسُر ۔
سُمکاری نا تدینی سنجاوی آن مسلم لیگ نون نا امیدوار و مُسکوہی صوبائی وزیر نور محمد دومڑ و جمیعت نا حمایتی تہ نیامٹ مس ۔
ہڑتومکا ٹولی تیٹ سُمکاری نا سلسلہ ہُریسکان برجاء مس ہراکان پد لشکری کارندہ آک بھلو کچ ئسیٹ سر مسُر پولنگ اسٹیشن ئے کنٹرول ئٹی ہلکُر ۔
گڈیکو حوال اسکان ہندا پولنگ اسٹیشن آ جمیعت ئے مسلم لیگ امیدوار نا نیمہ آن دھاندلی نا شکایت ملاسس ، ہرانا سوب آن ہڑتومکا ٹولی تیٹ جنگ مس و ہڑتومکا نیمہ آن سلاہ کارمرز کننگا ۔
ہندی حوالکار آتا رد ئٹ دا پولنگ اسٹیشن آن غیر سرکاری و غیر حتمی نتائج آ تا رد ئٹ مسلم لیگ نون ئنا نور محمد دمڑ سرسُہب پاننگانے ۔
