بولان ئٹ ہشتمیکو دے پاکستانی لشکر نا لشکر کشی برجاء ءِ۔ پاکستانی لشکر چرجوئی ئٹ جتا ہند آتیا کیمپ خلِسہ توسُنے۔
بلوچستان نا علاقہ بولان و ہیب کھیب ئنا علاقہ آتیٹ اینو ہشتمیکو دے پاکستانی لشکر نا لشکر کشی برجاء ءِ۔ سبی، مچھ، ہرنائی تون اوار بولان تون تفوک علاقہ آتیٹ پاکستانی لشکر کیمپ خلِسہ ہن ءَ بر نا کسر تے بند کرینے۔
حوال تا رد ئٹ درو شام ئنا وختا شابان نا علاقہ ٹی ترند سم کاری و تراک آتا توار بِننگ مسس واہم دا بارو ئٹ ودیک حوال رسینگتنے۔
ہندی حوال تروکا تا پاننگ ءِ کہ ہشت دے آن علاقہ تیبہ گھیرہ و ہن ءَ بر نا کسر تا بند مننگ نا سوب آن مخلوق علاقہ ٹی بند ءِ، و تدوکا دے تیٹ شابان نا علاقہ آتیٹ اِرا جاگہ غا پاکستانی لشکر چُنا نیاڑی تے دزگیر کریسس ہرا داسکان آجو متنو۔
خیال ئٹ مرے آپریشن نا وختا پاکستانی لشکر بھاگیا تا مال تے کوزہ کننگ تون اوار اوفتا اُرا تے و جنگل آتے بُن تسس۔
درو بلوچ لبریشن آرمی آپریشن ئٹ اختہ لشکری کارندہ غا تیا سنجاول نا علاقہ ٹی جلہو نا ذمہ وار ئے ہرفیسس۔
