بلوچستان نا ہند بولان ئٹی لشکری کشی نا وخت آ پاکستانی لشکر نا کارندہ آتا جلہو، ٹینٹ آک خاخر ہلکُر ۔
شابیتی حوال آتا رِد ئٹ سلاہ بند بندغ آک بولان ئٹی لشکر کشی نا وخت آ پاکستانی لشکر نا کارندہ آتا جلہو کریر ۔
لشکری کارندہ آتا جلہو سنجاول نا ہند آ مس ۔ ہندی حوال آتا رِد ئٹ جلہو نا وخت آ سُمکاری و تراک آتا توار بننگا، ہندُن لشکری کارندہ آتا ٹینٹ آتیٹ خاخر بُڑز مس ۔
جلہو آن لشکری کارندہ آتے جانی و مالی نسخان رسینگ نا حوالءِ ۔
یاتی مرے کہ پاکستانی لشکر تدوکا ہفت دے آن بولان و ایب کیب ئنا ہنداتیٹی لشکر کشی بناء کرینے ۔ اراڑے لشکر نا کارندہ آک کیہی جاگہ آتا ٹینٹ خلکُنو اراڈان ہن و بر نا کُل کسرک بندءُ ۔
ہندی بندغ آتا رِد ئٹ لشکری کارندہ آتا نیمہ آن تینا مون توپ و ماٹر خلنگ ہم برجاء ءِ ۔
