بلوچستان نا علاقہ حب ئٹی سلہہ بند بندغ موٹر سائیکل سوار بندغ آک سم کاری کرسا سیکورٹی گارڈ ئس کھسفیر۔
ایدھی کمکی ٹولی تا کنڈ آن حوال رسینگانے کہ حب ئنا دے کہی بائی پاس نا خڑک پیٹرول پمپ آ نادرست آ سلہہ بند موٹر سائیکل سوار بندغ آک سم کاری کرسا اسہ سکیورٹی گارڈ ئسے کھسفینو۔
کہوکا بندغ نا چاہنداری لیربہ خان نا مار 63 سالی کماش حیات اللہ نا پن ئٹ مسنے۔
سلہہ بند داڑیل آک پیٹرول پمپ آ لُٹ و پُل کننگ اسر کہ سیکورٹی گارڈ مزاحمت کرے ہرا نا سوب آن نہ بیرہ سلہہ بندغ داڑیل آک سیکورٹی گارڈ ئنا سلہہ تے پُھلار بلکہ سم کاری کرسا گارڈ ئے کھسفیر۔
حوال تا رد ئٹ سلہہ بند بندغ آک مُسٹ مسنو۔ کہوکا بندغ نا جون ئے حب اسپتال آ رادہ کننگانے وا ہم تدینی نا بارو ئٹ پولیس ودیک پٹ و پول کننگ ءِ۔
پولیس نا رد ئٹ درو گوادر سٹی ٹی گوادر ڈیزل سروس پنی ءُ دکان ئسیٹی کاریم کروکا محلسہ محمدی عبدلکریم، تحصیل کبیر والا ضلع خانیوال پنجاب نا ہندی کامران ریاض احمد ئے نادرست ءُ موٹرسائیکل سوار بندغ سم کاری کرسا کھسفینو، اسہ سم ئس اونا کاٹم ئٹ لگانے۔
ٹپی مننگ آن گڈ اودے دمدستی جی ڈی اے اسپتال آ سر کننگاسس ولے او بچنگ کتو۔
خون مروک بندغ نا جون ئے اونا ہندی علاقہ غا رادہ کننگانے۔
