بی ایل ایف نا جارکش میجر گہرام بلوچ میڈیا ٹی شنگ مروکا درشان ئسیٹی پارے کہ کیچ ئنا ہند تمپ ئٹی اپسی کھن نا دُز راہ ٹک آ اڈ مروکا قوضہ گیر دشمن لشکر نا چوکی آ جلہو نا ذمہ واری ئے ہرفنہ۔
شمبے دے ئنا یک بجہ آ سرمچار آک تمپ ئنا ہند اپسی کھن نا دُز راہ آ اڈ مروکا چوکی آ پوسکُنا و بھلا سلاہ تیتون جلہو کریر۔
سخت اِنگا جلہو ئٹی قوضہ گیر لشکر نا اسہ کارندہ ئس ہمو جاگہ خلنگا و اسٹ ٹپی مس۔ جلہو ئٹی دشمن نا سولر سسٹم تیوعہ بھُس مس و چوکی نا دیوال آتے ہم سخت نسخان رسینگا۔
سرمچار آتا جلہو ئٹی لغور آ دشمن لشکر نا کارندہ آتے داخس ہم موقع رسینگتو کہ او اسہ فائر ئس کیر۔
پاکستانی لشکر نا بلوچستان ئٹی بے سہُب مننگ نا ثبوتءِ کہ او مقابلہ کننگ نا جاگہ نرنگ نا کسرئے ہرفنگ کن مجبورءِ۔
او ایسر ئٹ پارے بلوچستان لبریشن فرنٹ دا جلہو نا ذمہ واری ئے ہرفک۔ بلوچستان نا تیوعہ آجوئی اسکان سرمچار آتا جلہوک قوضہ گیر لشکر آ شدت تون برجاء مرور۔
