مستونگ بائی پاس کسر آ نا دُرست موٹر سئیکل سوار آ تا سُمکاری آن عبدالحکیم پنی ءُ بندغ ئس بیران و سنگت تہ ٹپی مس ۔
پولیس ٹیم موئِےع آ سر مننگ ئٹ جون و ٹپی مروکا بندغ ءِ نواب غوث بخش رئیسانی ہسپتال آ درے ، خلنگ نا سوب متکنو دژمنی ئس پانگیک ۔
حب نا ہند ساکران بند مراد پل آ خُڑک جھنگ آ تیان کیہی دے متکنو نا دُرست ءُ جون ئس خننگا ، حب اسپتال آ دننگ آن پد ایدھی سرد سہراب گوٹھ کراچی آ ریفر کننگا ۔
دا حوالہ ئٹ ایدھی ریسکیو حوالکار آ تا رد ئٹ ہفتہ نا دے ساکران بند مراد پل آن خڑک جنگ آ تیان 40 سالی ءُ نا دُرست بندغ ئسینا جون خننگا ، جون ئے جام غلام قادر گورنمنٹ اسپتال آ دریر ہرادے پدا ایدھی سرد خانہ سہراب گوٹھ کراچی آ دریر ہندا بندغ نشی ئس مسُنے ۔
