بی ایل ایف نا جارکش میجر گہرام بلوچ میڈیا ٹی شنگ مروکا درشان ئسیٹی پارے کہ سرمچار آک کولواہ ٹی پاکستانی لشکر نا راشن دروکا لاری تہ جلہو کرسہ راشن تے ہرفیر و ڈرون کیمرہ ئے بھُس کریر۔
21 فروری نا دے ئنا دو بجہ آ سرمچار آک قوضہ گیر پاکستانی لشکر کن راشن دروکا لاری تہ جلہو کرسہ دشمن نا راشن تے ہرفیر و دشمن نا سرویلنس ڈرون کیمرہ ئے پوسکُنا اِنگا سلاہ تیٹ ٹک کرسہ بھُس کریر۔
بے سُہب آ دشمن سرمچار آتا خُلیس آن تینا کیمپ و چوکی تہ تینٹ راشن دپک۔ ہندا سوب آن اوفک لوکل ٹرانسپورٹر آتے تڑی ترسہ راشن دننگ کن کارمرز کیرہ۔
نن لوکل ٹرانسپورٹر آتے تنبیہ کینہ کہ اوفک دشمن نا دو آن کارمرز مننگ آن رکھر انتئیکہ سرمچار آتا خنک دشمن آٹو و نن ارا وخت مرے دشمن و اونا کُمکار آتے نشانہ کننگ کینہ۔
اسہ پین جلہو ئسیٹی سرمچار آک 22 فروری نا شام ئنا یازدہ بجہ ءُ چل منٹ آ کیچ ئنا ہند ھیرونک ئٹی قوضہ گیر پاکستانی لشکر نا چوکی آ پوسکُن و خودکار سلاہ تیٹ جلہو کرسہ دشمن ئے جانی و مالی نسخان تسُر۔
بلوچستان لبریشن فرنٹ ارٹنگا جلہو تہ ذمہ واری تے ہرفک و دا قول ئے کیک کہ دشمن ئے ہر جاگہ آ نشانہ کرسہ بلوچستان آن پیش تمنگ کن مجبور کننگ مرو۔
